ಮಂಜಿನ ಹನಿ

’ಸೃಷ್ಟಿಶೀಲ ಬರಹಗಾರ ಅನೇಕ ವೇಳೆ ತನ್ನ ಸಿದ್ಧಾಂತ, ತತ್ವ, ತರ್ಕ ಇತ್ಯಾದಿಗಳ ಇತಿಮಿತಿಗಳನ್ನು ತಿಳಿಯಲು ಅದನ್ನು ಅತಿರೇಖದ ಅಂಚಿನವರೆಗೆ ಒಯ್ಯಬೇಕಾಗುತ್ತದೆ. ಈ ರೀತಿ ತನ್ನ ಮಿತಿಯನ್ನು ಮೀರಿಯೇ ತನ್ನ ಸರಹದ್ದುಗಳನ್ನರಿಯಬೇಕಾದ ಅನಿವಾರ್ಯತೆ ಇರುವುದರಿಂದಲೇ ಎಲ್ಲಾ ಕಲಾಸೃಷ್ಟಿಯೂ ಅಪರಿಪೂರ್ಣತೆಯನ್ನು ಅನುಷಂಗಿಕವಾಗಿ ಒಳಗೊಂಡಿರುತ್ತದೆಂಬುದು ನನ್ನ ಭಾವನೆ’ - ಕೆ.ಪಿ.ಪೂರ್ಣಚಂದ್ರ ತೇಜಸ್ವಿ

Monday, 7 November 2011

ನನ್ನಪ್ಪ

ಹುಟ್ಟು ಶ್ರೀಮಂತನಲ್ಲ ನನ್ನಪ್ಪ
ಚಿನ್ನದ ಚಮಚ ಬಾಯಲ್ಲಿ ಇಟ್ಟುಕೊಂಡು ಹುಟ್ಟಲಿಲ್ಲ
ಬದುಕಿರುವುದೂ ತೀರಾ ಸರಳವಾಗಿಯೇ
ಎಲ್ಲಾ ತಂದೆಯಂದಿರೂ ಹೇಳುತ್ತಾರೆ,
"ಅಸಾಮಾನ್ಯನಾಗು ಕಂದ",
ನನ್ನಪ್ಪ ನನಗೆ ಕಲಿಸಿದ್ದು,
"ಎಲ್ಲರೊಳಗೊಂದಾಗು ಕಂದ"
ಸಾಮಾನ್ಯರಲ್ಲಿ ಸಾಮಾನ್ಯ ನನ್ನಪ್ಪ...

ನನ್ನಪ್ಪ ನಮಗಾಗಿ ಮಾಡಲಿಲ್ಲ
ಲಕ್ಷಗಟ್ಟಲೆ ಹಣ, ಎರಡೆರಡು ಬಂಗಲೆ,
ಹತ್ತು ಎಕರೆ ಜಮೀನು...
ಆತ ತೋರಿಸಿಕೊಟ್ಟಿದ್ದು ಸಹಜವಾಗಿ
ಜೀವನ ರೂಪಿಸಿಕೊಳ್ಳುವ ಕಲೆ,
ಸರಳತೆಯಲ್ಲಿ ಸಹಜತೆ,
ಸಹಜತೆಯೇ ಬದುಕಿನ ದಾರಿ...

ನನ್ನಪ್ಪ ಎಲ್ಲರನ್ನೂ ಆದರಿಸುವ
ಕರುಣಾಮಯಿ, ಕಷ್ಟವೆಂದರೆ
ಕರಗಿ ನೀರಾಗುವ ಹೆಣ್ಣು ಹೃದಯಿ...
ಹಾಗೆಂದು ಸಹಾಯ ಮಾಡಿಸಿಕೊಂಡವರೆಲ್ಲ
ಅವರನ್ನು ನೆನೆಯಲಿಲ್ಲ,
ಆದರೆ ಅಪ್ಪ ಕೊಂಚವೂ ಬೇಸರಿಸಲಿಲ್ಲ...
ಈಗಲೂ ಅವರು ಕೊಡುಗೈ ದಾನಿಯೇ,
ಇರುವುದೆಲ್ಲವನು ಕೊಡುವ ಕರ್ಣ...

ಎಷ್ಟೋ ಜನ ಅಂದಿದ್ದಿದೆ,
ನಿನ್ನಪ್ಪ ಯಾರ ಮಾತನ್ನೂ ಕೇಳದವ...
ಆದರೆ ಅಪ್ಪ ನಮಗೆ ಕಲಿಸಿದ್ದು
ಸ್ವಾಭಿಮಾನ, ಆತ್ಮಸ್ಥೈರ್ಯ, ಬದುಕಿನ ರೀತಿ...
ಕಲ್ಲಿನ ಹೃದಯವನ್ನೂ ಕರಗಿಸಿ
ಮಾತನಾಡಿಸಬಲ್ಲ ಮಾತಿನ ಮಲ್ಲ ನನ್ನಪ್ಪ,
ನಮಗೆ ಕೊಟ್ಟಿದ್ದು ಕೇವಲ
ಸಾಗರದಷ್ಟು ಪ್ರೀತಿ, ಮಮತೆ...

ಅಪ್ಪ ಕಲಿಸಿದ್ದು ಎಲ್ಲರನ್ನೂ ಪ್ರೀತಿಸುವುದು,
ಎಲ್ಲರೊಳಗೊಂದಾಗುವುದು...
ಮಮತಾಮಯಿ ನನ್ನಪ್ಪ,
ಎಂದೆಂದಿಗೂ ನನ್ನ ಹೀರೋ...

- ಪ್ರಸಾದ್.ಡಿ.ವಿ.

8 comments:

ಮಂಜಿನ ಹನಿ 7 November 2011 at 23:31
ಅಪ್ಪನಿಗೊಂದು ಪ್ರೀತಿಯ ಉಡುಗೊರೆ..:))) <3
ReplyDelete
Replies
ಬಿಸಿಲು ಬೆಳದಿಂಗಳ ಹುಡುಗಿ..7 November 2011 at 23:48
"ಅಪ್ಪ ನಮಗೆ ಕಲಿಸಿದ್ದು
ಸ್ವಾಭಿಮಾನ, ಆತ್ಮಸ್ಥೈರ್ಯ, ಬದುಕಿನ ರೀತಿ...
ಕಲ್ಲಿನ ಹೃದಯವನ್ನೂ ಕರಗಿಸಿ
ಮಾತನಾಡಿಸಬಲ್ಲ ಮಾತಿನ ಮಲ್ಲ ನನ್ನಪ್ಪ,
ನಮಗೆ ಕೊಟ್ಟಿದ್ದು ಕೇವಲ
ಸಾಗರದಷ್ಟು ಪ್ರೀತಿ, ಮಮತೆ..."
ಮನ ಮುಟ್ಟಿದ ಸಾಲುಗಳು..! :)
ಹೆಚ್ಚು ಕಡಿಮೆ ನಮ್ಮ ತಂದೆಯವರ ಗುಣಾನೂ ಇದೇ ರೀತಿ..! :)
ಅಪ್ಪನ ಕುರಿತು ಸುಂದರ ಕವಿತೆ..! :))
ತುಂಬಾ ಸಂತೋಷವಾಯಿತು ನಿಮ್ಮೀ ಕವಿತೆ ಓದಿ..! :
ReplyDelete
Replies
ಅಬ್ದುಲ್ ಸತ್ತಾರ್ ಕೊಡಗು, ಶನಿವಾರಸಂತೆ7 November 2011 at 23:52
ತುಂಬಾ ಚೆನ್ನಾಗಿದೆ. ಯಾರು ನಿಮ್ಮ ಆದರ್ಶ ವ್ಯಕ್ತಿ ಅನ್ನುವಂತಹಾ ಪ್ರಶ್ನೆಗೆ ಗೊತ್ತಿಲ್ಲದ, ಬರೀ ಕೇಳರಿತ ಹೆಸರನ್ನ ಹೇಳುವುದಕ್ಕಿಂತ 'ನನ್ನಪ್ಪ' ಅನ್ನುವುದು ಒಂದು ರೀತಿಯ ಹೆಮ್ಮೆ. ಎಷ್ಟೋ ಜನರಿಗೆ ದೌರ್ಭಾಗ್ಯವೂ ಕೂಡ ಆಗಿರುವುದು ಕಟು ಸತ್ಯ. ಅಪ್ಪನನ್ನ ಈ ರೀತಿ ಎಳೆ ಎಳೆಯಾಗಿ ನೆನಸಿದ್ದಕ್ಕೆ ಧನ್ಯವಾದ. ತುಂಬಾ ಸುಂದರವಾದ ನಿರೂಪಣೆ.
ReplyDelete
Replies
ಮಂಜಿನ ಹನಿ 8 November 2011 at 01:05
ಧನ್ಯವಾದಗಳು ಕವಿತೆಯನ್ನು ಮೆಚ್ಚಿದ್ದಕ್ಕೆ..:)) ಅಪ್ಪನೇ ಎಲ್ಲಾ ಮಕ್ಕಳಿಗೂ ಮೊದಲ ಆದರ್ಶ ಅಲ್ಲವೇ..:))
ReplyDelete
Replies
♥`•.¸¸.•´´♥ದೀಪು♥`•.¸¸.•´´♥8 November 2011 at 08:38
ಹುಟ್ಟು ಶ್ರೀಮಂತನಲ್ಲ ನನ್ನಪ್ಪ..,
ಚಿನ್ನದ ಚಮಚ ಬಾಯಲ್ಲಿ ಇಟ್ಟುಕೊಂಡು ಹುಟ್ಟಲಿಲ್ಲ..
ಬದುಕಿರುವುದೂ ತೀರಾ ಸರಳವಾಗಿಯೇ.,
ಎಲ್ಲರ ತಂದೆಯರೂ ಹೇಳುತ್ತಾರೆ,
"ಅಸಾಮಾನ್ಯನಾಗು ಕಂದ",
ನನ್ನಪ್ಪ ನನಗೆ ಕಲಿಸಿದ್ದು,
"ಎಲ್ಲರೊಳಗೊಂದಾಗು ಕಂದ"
ಸಾಮಾನ್ಯರಲ್ಲಿ ಸಾಮಾನ್ಯ ನನ್ನಪ್ಪ...

ವಾಹ್..! ಎಂಥಾ ಮಾತುಗಳು... ನಿಜವಾಗ್ಲು ತುಂಬಾ ಅರ್ಥಪೂರ್ಣವಾದ ಸಾಲುಗಳು... ನನ್ನಪ್ಪ ನನಗೆ ಹೇಳಿಕೊಟ್ಟಿದ್ದು ಕೂಡ ಅದನ್ನೆ..! ನನಗಾಗಿ ಉಳಿದಿರುವ ಒಂದೇ ಒಂದು ಆಸ್ತಿ ನನ್ನಪ್ಪ..! Love u so much pappa...
ReplyDelete
Replies
ಮಂಜಿನ ಹನಿ 9 November 2011 at 03:59
ಧನ್ಯವಾದಗಳು ದೀಪು..:)) ಅಪ್ಪನ ಪ್ರೀತಿ ಮೊಗೆದಷ್ಟು ಸಿಗುವ ಅಕ್ಷಯ ಪಾತ್ರೆ, ಅವರು ನಮ್ಮನ್ನು ಎಲ್ಲ ವಿಷಯಗಳಲ್ಲು ತಿದ್ದಲು ಪ್ರಯತ್ನಿಸುತ್ತಾರೆ, ಕೆಲವೊಮ್ಮೆ ದಂಡಿಸಿಯೂ ಇರಬಹುದು ಅದರಿಂದ ಮನಸ್ಸಿಗೆ ನೋವೂ ಆಗಿದ್ದಿರಬಹುದು ಆದರೆ ಅಪ್ಪನ ಉದ್ದೇಶ ಮಾತ್ರ ಮಕ್ಕಳ ವ್ಯಕ್ತಿತ್ವದ ಸರಿಯಾದ ವಿಕಸನ..:)) we are fortunate because in every stages of life we have him to guide, care and to love..:))
ReplyDelete
Replies
♥`•.¸¸.•´´♥ದೀಪು♥`•.¸¸.•´´♥9 November 2011 at 07:39
Yah ua absolutely ri8..:):)
ReplyDelete
Replies
ಮಂಜಿನ ಹನಿ 9 November 2011 at 20:27
hmmm..:)))
ReplyDelete
Replies

Add comment

ಬೆರಗು, ಭಿನ್ನಾಣಗಳು ಮಾತಾದಾಗ.. ನಾನು ಅಕ್ಷರವಾಗಿ ಪ್ರವಹಿಸುತ್ತೇನೆ!!!

ಕಾಡುವವಳು ರಾಧೆಯೊಬ್ಬಳೇ!!!

ಪುರಾಣಗಳ ಮೂಲಕ ರಾಧೆಯ ಪರಿಚಯವಾದರೂ, ಅವಳು ನನ್ನನ್ನು ಕಾಡಲು ಶುರುಮಾಡಿದ್ದು ಹೆಚ್ಚೆಸ್ವಿಯವರ ಕವನಗಳನ್ನು ಓದಿದ ಮತ್ತು ಹಾಡುಗಳನ್ನು ಕೇಳಿದ ನಂತರ! ಈಗ ರಾಧೆ ನನಗೆ ಪವಿತ್ರ ಪ್ರೇಮದ ಸಂಕೇತದಂತೆ ಕಾಣುತ್ತಾಳೆ. ರಾಧೆ ನನ್ನಾಳಕ್ಕೆ ಇಳಿದಷ್ಟೂ ಅವಳ ಪವಿತ್ರ ಪ್ರೇಮವನ್ನು ಪಡೆದ ಗೊಲ್ಲರ ಗೊಲ್ಲ ಕೃಷ್ಣನ ಮೇಲೆ ಅಸೂಯೆಯೂ ಮೂಡುತ್ತದೆ. ಈಗ ನಾನು ರಾಧೆಯನ್ನೇ ಹುಡುಕುತ್ತಿದ್ದೇನೆ, ಅವಳ ಹುಡುಕಾಟದಲ್ಲಿ ಒಂದಷ್ಟು ಕಾವ್ಯವನ್ನು ಅವಳಿಗೆ ಅರೋಪಿಸಿಬಿಡುವ ಮನಸ್ಸಾಗಿದೆ. ಅವಳು ಸಿಕ್ಕಿಯಾಳೇ ನೋಡಬೇಕು! ;)

- ಮಂಜಿನ ಹನಿ